Prekario Karnaval 2020

 

 

 

 

 

 

 

 

Mihó Servisio pa Pueblo di Kòrsou: 
Informashon di Prekario Karnaval 2020

Derechonan di Prekario ta:

“Un tipo di derecho ku hende mester paga pa por hasi uzo di kaminda públiko na momentu ku kier pone stellage kantu di kaminda i/òf tambe pa benta di konsumo”


Registrashon i pago di stènt of stelage ta repartí segun kada sekshon. Tin 4 sekshon dividí na lèternan A, B, C i D, por pasa tuma pèrmit pa prekario karnaval na ofisina di ROP na Plasa Horacio Hoyer 19.

  1. Registrashon y pago pa Stelage:
  • Sekshon A: 4,5, 6, 7, 8, 9 novèmber 2019
    • Sekshon A: te Mirlaplateweg
  • Sekshon B: 11,12,13, 14, 15 i 16 novèmber 2019
    • Sekshon B: Mirlaplateweg te Missouriweg
  • Sekshon C: 18, 19, 20, 21, 22 i 23 novèmber 2019
    • Sekshon C: Missouriweg te Charoweg
  • Sekshon D: 25, 26, 27, 28, 29 i 30 novèmber 2019
    • Sekshon D: Charoweg te Brionplein
  1. Registrashon y pago pa Stènt:
  • Sekshon A, B, C i D: 4 novèmber te ku 30 novèmber 2019
  1. Orario di ofisina pa Prekario Karnaval:
  • Djaluna pa djaweps: 08:00am pa 12:30pm i 01:30pm pa 05:00pm
  • Djabièrnè : 08:00am pa 12:30pm i 01:30pm pa 04:30pm
  • Djasabra: 9, 16, 23 i 30 di novèmber 2019: 10:00am pa 2:00pm
  1. Lista di espera ‘Wachtlijst’ ku ta nifiká inskripshon nobo por tuma lugá

UNIKAMENTE online aki: http://prekariocuracao.com

Fecha pa inskribí riba lista di espera UNIKAMENTE:
5 desèmber 2019 pa 6 desèmber 2019

  • Inskripshon nobo pafó di e periodo ariba menshoná NO ta válido.
  • Inskripshon di e aña nan anterior NO ta válido pa aña 2020.
  1. Ta importante pa trese ora bin registrá i hasi pago
  • Sédula (ID) válido
  • Karta di apoderashon pa aña 2020 huntu ku sédula di e persona ku tin e prekario riba su nòmber. NO TA ASEPTA OTRO TIPO DI KARTA.
    E karta ofishal di apoderashon bo ta hañ’e aki via karta di apoderashon 2019
  1. Persona nan ku a pèrdè derechi di prekario:

Tur persona mester kumpli ku reglanan stipulá den e pèrmit di prekario na momento di kita stelage, pa Karnaval 2019 esaki tabata riba 10 di mart 2019 promé ku 3or di atardi. Si esaki NO a tuma lugá, e persona lo risibí un karta pa informá ku esaki a pèrdè su derechi di prekario.

Henter e tim di prekario a traha inkansablemente pa ordená i manehá e parti aki di prekario karnaval. Di e forma aki, nos komunidat por disfrutá di Karnaval na un manera bon strukturá.

ROP ke gradesí adelantá pa e kooperashon durante e dianan di entrega di pèrmit. Ofisina di Tim Prekario Karnaval 2020 ta alkansabel via e number nan 433-3205, 462-4015, 462-2014. Por manda e-mail na info@prekariocuracao.com, tambe por bishita e página di facebook Prekario Kòrsou.