ROP ta konmemorá 40 aña di eksistensia

ROP ta konmemorá 40 aña di eksistensia

Minister Zita Jesus-Leito huntu ku Servisio pa Planifikashon Urbano (ROP) a konmemorá huntu riba djabièrnè 29 di mart, 40 aña di eksistensia di e servisio. Riba 1 di yanüari di aña 1979, ROP, ántes DROV keda instituí despues di tabata forma parti di ántes DOW.

Den un ambiente ameno i sosial, koleganan di ROP, huntu ku Tim di Maneho di ROP, Sekretario General di VVRP, Direktor di Sektor di Infrastruktura i Planifikashon Urbano, Direktor Interino nobo, i Minister Jesus-Leito, a selebrá i rekordá e echo ku dia promé di yanüari ROP a hasi 40 aña di eksistensia.

A rekordá eksperensia di koleganan ku tabata presente ta laborá 40 aña pasa. Direktor interino nobo, Sr. Rach a keda introdusí na tur kolega durante e selebrashon aki.

ROP ta e organisashon di Gobiernu di Korsou ku ta sòru pa uso duradero i balansa di e espasio di Kòrsou. ROP ta evaluá petishonnan pa desaroyonan urbano nobo i situashonnan aktual pa sòru ku nan ta kumpli nivel di kalidat ku e maneho di Gobièrnu ta stipulá. E responsabilidat di ROP ta konsistí di ordená i duna forma na e espasio públiko di Kòrsou.

Minister Jesus-Leito ta deseá ROP éksito i hopi 40 aña mas den un trayekto nobo pa mehorashon di e servisio pa pueblo di Kòrsou.

Pa tur informashon i desaroyo general di Servisio pa Planifikashon Urbano por bishita e wèpsait na www.vvrp.cw, Facebook página MinisterieVVRP i Instagram MinisterieVVRP.

Skills

Posted on

April 3, 2019