Suffisantweg

Trabounan di Restrukturashon di Suffisantweg for di Kabimasweg te na Van Krimpenlaan/Kuyderstraat

Pa mehorá e estado aktual di Suffisantweg, Servisio pa Obra Públiko (OW) ta laga drecha Suffisantweg for di Kabimasweg te na Van Krimpenlaan/Kuyderstraat. Di e forma aki, outomobilistanan por kore riba un karetera ku ta den un mihó estado.

Fase 1 di e trabounan ta termina den aprel di 2019 i despues ta kontinua ku fase 2. E trabounan ta bou di enkargo di kontratista Aliansa Roadworks i ta enserá:

  • Kita e asfalt bieu,
  • Pone kapa di asfalt nobo,
  • Drecha alsera,
  • i Pone middenberm.

OW ta traha huntu ku Departamentu di tráfiko di Kuerpo Polisial (KPC) pa yega na rutanan alternativo. Tambe ta sòru pa habitantenan i komersiantenan keda ku akseso na nan kas òf negoshi. OW i KPC ta pidi tur outomobilista pa sigui e indikashonnan i kore ku koutela.

OW ta gradisí komunidat adelantá pa e pasenshi i koperashon. Pa pregunta por yama òf whats app na 511-8582. Tambe por bishita e website www.vvrp.cw/proyekto pa tur informashon i desaroyo di proyektonan di OW.

Pa mas informashon

Servisio pa Obra Públiko (antes DOW)
Department of Public Works
Openbare Werken

location Parera z/n
phone +599 9 433-4444
fax +599 9 461-7969