Servisio pa Planifikashon Urbano

 

 

 

 

 

 

 

 

 

 

Servisio pa Planifikashon Urbano (ROP) ta enkargá ku uso duradero i balansa di e espasio di Kòrsou. ROP ta evaluá petishonnan pa desaroyonan urbano nobo i situashonnan aktual pa sòru ku nan ta kumpli nivel di kalidat ku e maneho di Gobièrnu ta stipulá. E responsabilidat di ROP ta konsistí di ordená i duna forma na e espasio públiko di Kòrsou.

ROP a start ku e proseso pa digitalisashon, esaki ta enserá ku stap pa stap ROP ta bai ofresé aksesibilidat di su servisionan via di un bentana virtual. Pronto e trayekto aki ta kuminsá ku Akshon Sigurá.

Aktualmente tin informashon i formulario pa pèrmitnan ku ROP ta ofresé i publikashon di tur pèrmit di konstrukshon pa siman. Pronto ta bai publiká informashon di tur otro pèrmit ku ser emití dor di ROP. Pa medio di e publikashon nan aki ta mantené un i tur informá, di lokual ta tuma lugá den nan bisindario den e área di planifikashon urbano.

Registrashon di adrès

Servisio pa Planifikashon Urbano (ROP) ta atendé ku registrashon di adrès.
Esaki ta tuma lugá na momento;

  • Ku ta konstruí un kas nobo
  • Òf e kaya a risibí un nòmber ofishal

Registrashon di adrès ta importante i mester warda e dokumento pa por entrega na Servisio Públiko “Kranshi”, Servisionan di Gobièrnu ku ta eksigí un registro di adrès i tambe e diferente empresanan di utilidat.

Algun eksigensia na momento ku ta bai yena e formulario ta lo siguiente:

  1. Number di e pèrmit di konstrukshon di e KasNa momentu ku e persona no por verifiká ku e ta den posishon di un Pèrmit di Konstrukshon pa por registrá su adrès esaki mester hasi un petishon pa legalisá su edifisio.E persona mester pasa na ofisina di ROP pa entrega un petishon pa legalisá su edifisio.
    Mester entrega e siguiente dokumento:
    – 2x bestek tekening na schaal 1:100
    – 2x situatieschets na schaal 1: 1000
    – Papel di tereno: meetbrief, kadastral legger & akta notarial, kontrato di e tereno duná den hür “huurgrond overeenkomst”.
    – Karta propio ku ta pidi pa legalisashon di e edifisio i kua funshon esaki tin
  2. Kopia di sédula òf pasport
  3. Doño di e edifisio mester hasi e petishon òf mester apoderá un persona ku karta i kopia di sédula.
  4. Imágen di unda e edifisio ta lokalisá “situatieschets’, esaki por ku un foto di ‘google map’ òf por hasi e petishon na ofisina di Kadaster.
  5. ROP – Adres Formulier Print e formulario, na momento ku terminá di yen’e mester manda esaki huntu ku tur e otro dokumentonan nesesario na e e-mail info.rop@gobiernu.cw

Pa informashon i/òf pregunta general tokante Servisio pa Planifikashon Urbano