Petishon pa pèrmit
Promé ku un kompania òf persona kuminsá ku trabounan di kobamentu, e tin ku entrega un petishon pa e risibí un pèrmit di kobamentu. Pa hasi petishon pa pèrmit, mester entrega un formulario. Riba e formulario aki, ta indiká:
- Informashon di kompania ku ta bai hasi e trabou di kobamentu
- Lugá kaminda ta bai koba – Profundidat di e kobamentu
- Grandura di e área ku ta bai koba ta
- Durashon di e trabounan di kobamentu
- Mashinnan ku ta bai usa
- Motibu ku ta bai koba na e sitio indiká
- Si tin pèrmit di doño pa koba
Mester entregá e formulario aki firmá ná Servisio pa Obra Públiko por lo ménos 20 dia promé ku e fecha pa kuminsá ku e trabounan. E formulario di petishon pa pèrmit ta optenibel aki. Tambe tin un manual amplio tokante esaki. Por download e manual aki.
Despues di a risibí e petishon, Servisio pa Obra Públiko ta bai analisá e situashon. Den di 2 siman, e kompania òf persona ku a entregá su petishon ta risibí un kontesta. E kontesta aki por ta enserá:
- No ta duna pèrmit
- Ta duna pèrmit bou di sierto kondishonnan
- Ta duna pèrmit sin restrikshon
Despues di risibí e pèrmit aki, e persona of kompania mester informá Polis di e trabounan aki.