Servisio pa Planifikashon Urbano (ROP) ta sòru pa uso duradero i balansa di e espasio di Kòrsou. ROP ta evaluá petishonnan pa desaroyonan urbano nobo i situashonnan aktual pa sòru ku nan ta kumpli nivel di kalidat ku e maneho di Gobièrnu ta stipulá. E responsabilidat di ROP ta konsistí di ordená i duna forma na e espasio públiko di Kòrsou.
Tareanan
- Planifikashon urbano
- Prepará programanan i proyektonan pa mehorá barionan i bibienda
- Traha riba plannan di maneho di bibienda
- Kordinashon tékniko di restourashon di mantenshon di monumentonan
- Duna pèrmit i eksonerashon pa restourashon i mantenshon di monumento
- Atministrashon di e registro di monumentonan, (https://curacaomonuments.org/)
- Maneho pa monumentonan i asigná monumentonan protehá
- Maneho pa perkurá pa mantenshon di monumentonan
- Kordinashon di e parti urbano di tráfiko
- Duna pèrmit i eksonerashon pa konstrukshon i prekario
- Kontrolá i sòru pa kumplimentu ku e reglanan di pèrmit
Servisionan
- Pèrmit di konstrukshon
- Pèrmit pa hasi mantenshon òf adaptashon na monumento (“monumentenvergunning”)
- Pèrmit pa basha un konstrukshon den sentro di siudat abou (“sloopvergunning”)
- Pèrmit pa teras den área públiko
- Eksonerashon i/òf pèrmit pa propaganda den/visibel for di área públiko
- Pèrmit pa pone stèngel, trapi, etc. den área públiko en konekshon ku konstrukshon òf mantenshon di edifisio
- Pèrmit pa pone kualke otro opheto den área públiko
- Pèrmit di instalashon (“Aanlegvergunning”) pa áreanan ku konforme EOP ta destiná pa Área di Parke òf Área Konservá
- Registrashon di adrès