Willemstad – Komo parti di su biahe pa trabou na Hulanda, Minister Charles Cooper a bishitá Minister Plenipotensiario di Kòrsou señor Carlson Manuel na Kas di Kòrsou riba djaluna 28 di mart 2022.
Durante di e bishita aki, Minister Cooper a tira un bista riba e estado di e edifisionan di Kas di Kòrsou na Den Haag ku tambe ta propiedatnan di país Kòrsou. E propiedatnan aki tambe ta kai bou di e responsabilidat gubernamental di Minister Cooper.
Tabata un bishita hopi ameno durante kual a interkambiá riba ideanan ku lo por yuda pa un mihó funshonamentu di Kas di Kòrsou.