Willemstad – Pronto e tualètnan pa públiko i shofùrnan di bus den Punda i Otrobanda lo ta bek den servisio. Ministerio di Tráfiko, Transporte i Planifikashon Urbano ta trahando rápidamente pa hasi esaki un realidat. Tin komprenshon pa e situashon i preokupashon di shofùrnan di bus.
Tin diferente aspekto ku tin ku atendé pa asina habri e tualètnan. Mester hasi mantenshon chikitu na algun kos ku ta kibra òf den mal estado, i tambe tin di regla pa limpiesa tuma lugá kontinuamente pa asina garantisá higiena di e tualètnan.
Gobièrnu lo perkurá pa maneho di e tualètnan aki pa un periodo di 6 luna, i pareu ku esaki ta buska un partner pa sigui ku e maneho riba tèrmino mas largu.