Kiko ta prekario?
Prekario ta un pèrmit ofisial pa pone un stènt, struktura òf ‘stellage’ riba ruta di Karnaval. E sistema aki ta sòru pa un repartishon hustu di lugánan limitá riba ruta i pa esaki por bai di forma ordená i sigur.
Kon e ta funshoná?
Registrashon: Persona òf kompania ta registrá na Team Prekario Karnaval (VVRP).
Regla: Tin reglanan klá tokante unda i di ki forma por konstruí òf pone ophetonan.
Kòntròl: E tim ta sòru pa kumplimentu ku e reglanan.
Pakiko esaki ta importante?
Òrdu: Prevení kaos i tene e desfile ordená.
Seguridat: Sòru pa e ruta i e kaminda keda liber durante di marcha.
Hustisia: Tur hende ta haña un chèns hustu riba un bon lugá.
Mapa di repartishon di prekario (pa pone visual)
Kliente ku ta disfrutá di karnaval
Kliente ku ta bende durante karnaval: Mester tin un pèrmit temporal pa stènt na e siguiente link:
Lokèt Digital – Pèrmit Standplaats
Kliente na Brionplein: Si ke apliká pa un stènt temporal na Brionplein, mester haña aprobashon di Fundashon Marshe promé, pa despues apliká pa un prekario.
Kuminsamentu di registrashon i pago di derechi di prekario pa Karnaval 2026
Willemstad – Preparashonnan pa e temporada di karnaval 2026 ta andando. Den e kuadro aki, tur parsela riba di ruta di karnaval a wòrdú digitalmente indiká. Tur usuario ta obligá pa registrá nan mes i paga e derechi di prekario. E derechi aki ta apliká pa stènt, stelazje i tur otro tipo di konstrukshon komersial riba ruta.
E periodo di registrashon i pago pa e klientenan di prekario aktual (sektornan A te ku D) ta habri for di 3 di novèmber te ku 19 di desèmber 2025. E siguiente skema di registrashon ta valido:
Sekshon D
3 nov – 7 nov
Roodeweg – einde CMC
Sekshon C
10 nov – 14 nov
Amazoneweg – begin Roodeweg
Sekshon B-02
17 nov – 21 nov
Kv592 – Marchena/Wishi, Coloradoweg
Sekshon B-01
24 nov – 28 nov
Mirlaplateweg – Palu Blanku
Sekshon A-03
1 des -5 des
Uruguayweg – Mirlaplateweg
Sekshon A-02
8 des – 12 des
Cubaweg – Uruguayweg
Sekshon A-01
15 des – 19 des
Begin route – Cubaweg
Solamente despues di pago kompleto ta entrega e dekreto ministerial ‘MB’ ofisial. Sin e dokumento aki, no ta pèrmití hasi uzo di e parsela.
Klientenan ku ke hasi petishon pa un parsela nobo lo bai riba un lista di espera. E periodo di registrashon pa e grupo aki ta for di 22 di desèmber 2025 te ku 2 di yanüari 2026.
Evaluashon interno lo tuma lugá entre 5 i 16 di yanüari 2026, despues pago ta posibel den periodo di 19 te ku 30 di yanüari 2026.
E markamentu di sekshonnan lo tuma lugá entre 21 i 27 di yanüari 2026. Konstrukshon kompleto di stelazje ta pèrmití solamente entrante dia 31 di yanüari 2026 pa 00:00 di mainta. E desmantelashon i limpiamentu total di tur konstrukshon mester keda kla promé ku di 22 di febrüari 2026 pa 3:00 di mèrdia.
Tim di Prekario ta enfatisá ku kumplimentu ku tur regla ta esensial. Konstrukshon pafó di e limitashon marká, hasi markashon propio, òf uzo di konstruktshon peligroso lo kondusí na kitamentu di inmediato e konstrukshon i por tin konsekuensia pa partisipashon den futuro.
Pa mas informashon òf asistensia ku registrashon òf pago, bo por tuma kontakto ku Tim di Prekario na info.prekario@gobiernu.cw.
Pronto nos ta anunsia e link pa tur kliente eksistente por registra.