Por haña tereno di Gobièrnu pa e siguiente usonan: bibienda, rekreashon, komersial, industrial, turístiko, agrario òf sosial.
Petishon pa tereno pa bibienda
Un persona ku ke bini na remarke pa un tereno di Gobièrnu mester yena un formulario di registrashon. Na momentu ku un persona registrá, su petishon ta bai riba e lista di
espera di Domeinbeheer.
Solamente personanan ku ta kumpli ku e siguiente eksigensianan por registrá pa un tereno pa bibienda:
- Mas ku 18 aña di edat
- Ta inskribí na Kranshi; no mester bini ku un prueba di Kranshi
- Deklarashon di Kadaster ku ta indiká ku e persona no tin un tereno kaba di Gobièrnu; e deklarashon aki ta kosta fl. 25,=
- Si e persona ta kasá ‘binnen gemeenschap van goederen’, e mester bini ku su akta di matrimonio
- Kopia di legitimashon bálido, sea pasport òf sédula
- Stampia (plakzegel) di fl. 10,=
E stampia ta optenibel na Ofisina di Impuesto (Belastingkantoor)
E persona ta yena e formulario i bini ku tur e aneksonan nesesario na Domeinbeheer.