Por haña tereno di Gobièrnu pa e siguiente usonan: bibienda, rekreashon, komersial, industrial, turístiko, agrario òf sosial.
Petishon pa tereno pa uso komersial
Un kompania òf organisashon ku ke risibí un tereno di Gobièrnu, mester yena un formulario di registrashon i mester trese e siguiente dokumentonan:
- Ekstrakto di registro di Kámara di Komersio, no mas ku 2 luna bieu; e ekstrakto aki ta kosta fl. 7.50
- Si ta disponé di esaki, pèrmit di alokashon
- Kopia di legitimashon bálido; sea pasport òf sédula
- Pa kompanianan eksistente, kopia di e relato anual mas resien
Petishon pa otro uso
Un persona òf organisashon ku ke bini na remarke pa risibí un tereno di Gobièrnu pa otro uso ku no ta pa bibienda ni uso komersial, por manda un karta di motivashon pa Domeinbeheer.