Sektor di Tráfiko i Transporte

 

Servisio Meteorológiko di Kòrsou

 

Servisio Meteorológiko Kòrsou, mihó konosí komo Meteo Kòrsou, ta e sentro di data i konosementu pa loke ta meteorologia, sismologia i klimatologia. Meteo ta e instansia di Gobièrnu ku ta saka boletin di wer pa Kòrsou. Meteo ta duna servisio tambe na e otro islanan den Karibe, manera Boneiru, St. Eustatius, St. Maarten i Saba, ku ta forma parti di Reino hulandes.

Tareanan

  • Kolekshon di data meteorológiko, tantu di e superfisie komo di den laira. Atraves di e programa di Vigilansia di Wer di e Organisashon Mundial di Meteorologia ta interkambia e tipo di data aki internashonalmente
  • Generá pronóstiko di wer pa públiko manera boletin di wer severo (orkan), boletin di prekoushon i atvertensia pa e islanan di Reino Hulandes den Karibe
  • Sirbi e sektor di aviashon ku informashon i produktonan meteorológiko aeronóutiko
  • Duna servisio meteorológiko i klimatológiko spesifíkamente pa e sektor marítimo
  • Maneha e base di dato klimatológiko pa loke ta data meteorológiko, tantu di e superfisie komo di den laira
  • Sostené desaroyonan sosio-ekonómiko dor di transformá data den produktonan útil i hasi esakinan disponibel na diferente sektor den komunidat (manera entre otro seguro, konstrukshon, instansianan públiko, agrikultura i medio ambiente)
  • Suministrá informashon tokante aktividatnan sísmiko i di tsunami pa e region di Karibe
  • Konsehá outoridatnan gubernamental pa loke ta trata e riesgonan di peligernan natural, efekto di kambio di klima i e posibel medidanan pa minimalisá riesgo
  • Representa Kórsou den e Organisashon Mundial di Meteorologia pa loke ta trata asuntunan nashonal i internashonal di maneho meteorológiko
  • Traha den diferente grupo di trabou i komishonnan di organisashonnan

Kontakto

Servisio Meteorológiko di Kòrsou
Meteorological Department of Curaçao
Meteorologische Dienst Curacao

location Seru Mahuma z/n
phone +599 9 839-3366
fax +599 9 868-3999
mail info@meteo.cw
www.meteo.cw