Maneho

Akuerdo di Gobernashon – Un gobernashon di pueblo, pa pueblo i huntu ku Pueblo di Kòrsou. Ta pueblo su bùrt!

E gobièrnu aki forma pa Movementu Futuro Kòrsou (MFK) i Partido Nashonal di Pueblo (PNP) ta drenta e periodo di gobernashon 2021-2025 ku un konfiansa i sosten amplio di pueblo di Kòrsou. E gobièrnu ta determiná pa hiba un gobernashon di pueblo, pa pueblo i huntu ku pueblo di Kòrsou. Esaki ta nifiká ku nos mester ta transparente ku pueblo den tur aspekto. No por tin kosnan manera “Non Disclosure”, sin representante di pueblo ta na altura di esaki i sigur no mara nos pueblo na akuerdonan di largu durashon, sin konsultá ku pueblo di Kòrsou. Aparte di konsultá pueblo pa ku akshonnan ku lo tin ku wòrdu tumá, tur resultado mester ta na benefisio di pueblo. Den e kuadro aki nos ta karga e lema: “Ta Pueblo su bùrt”!

https://vvrp.cw/download/AKUERDO-DI-GOBERNASHON-30-April-2021.pdf

 

 

 

Maneho pa Propaganda (riba kaya)

Ora Antia a kambia i Kòrsou a bira un pais outónomo den Reino (10 di òktober 2010), e lei ku yama Eilandsverordening Bevordering Openbare en Bescherming Gemeenschap (EBOOBG), a bai riba e lista di leinan ku ta tin mester di kambio. Ku e lei aki, Gobièrnu tabata protehá komunidat di diferente aspekto ku mester a yuda promové pa nos por ta sinti nos kómodo riba kaya. Despues di sinku aña parlamento di Kòrsou a aprobá un lei pa remplasá EBOOBG. E lei aki a bira e ‘Landsverordening Openbare Orde (LOO)’, for di dia 1 di ougùstùs 2015. Na aña 2016 a traha riba e maneho pa por ehekutá e lei, pa loke ta trata propaganda riba kaya. E maneho ta regulá unda i kon por hasi propaganda riba kaya, na un manera ordená, sin kousa peliger pa tráfiko i segun lei ta preskribí. Download e maneho i foyetonan informativo. Reclamebeleid juli 2016. AANVRAAG VERGUNNING ONTHEFFING RECLAME, Legesverordening Tarieven Leges en Precario, LOO artikel 15 en 16 Vergunning voor object en Ontheffing voor reclame, Folder Evenementen Nederlands, Folder Evenementen Papiamentu, Folder Politieke reclame Nederlands, Folder Propaganda politiko PapiamentuFolder papiamentu_Informashon general. Folder Nederlands- Algemene Informatie

 Kriteria pa Teras

Konforme artíkulo 15 di e lei di òrdu públiko “ Landsverordening Openbare Orde (LOO) no ta permití pa pone algu den área públiko sin un pèrmit di Minister di Trafiko, Transporte i Planifikashon Urabon (VVRP). Esaki ta inkluí teras, ya ku e ta enserá ponementu di stul, mesa, etc. den área públiko. Komo ku ta hasi uso di tereno di gobièrnu, mester paga precario tambe. Ounke ku e doño di un establesimentu ta responsabel pa e tipo di muebles etc ku ta ser poné riba e teras, esaki nan tin efekto riba e bista i aparensia di nos área públiko. Nan por asta forma un peliger pa siguridat di peaton i outomobilista. I komo ku ta responsabilidat di Ministerio di VVRP pa perkurá pa nos áreanan públiko ta safe, den bon estado i tin un bon kalidat, ta nesesario pa fiha kriterionan ku un teras mester kumpli kuné. Tur petishon pa teras mester kumpli ku e kriterionan menshoná den e maneho aki. Criteria voor de uitgifte van terrasvergunningen

 

 

Maneho di ‘Staandplaatsen’ den Sentro di Suidat

Pa por usa un parti di área públiko na un manera komersial, usando por ehèmpel un stent òf un trùk di pan òf batido, mester di un “standplaatsenvergunning” kual ta ser otorgá dor di Ministerio di Desaroyo Ekonómiko. Pero komo ku ta responsabilidat di Ministerio di Tráfiko, Transporte i Planifikashon Urbano (VVRP) pa perkurá pa nos áreanan públiko ta safe, den bon estado i tin un bon kalidat, ta nesesario pa fiha kriterionan ku un persona ku tin un ‘standplaatsvergunning’ mester kumpli kuné. Klik aki pa e dokumento kompletu. 

 

 

Parker den Sentro di Suidat

Nos vishon ta pa den futuro nos Sentro di Siudat ta mas bishitá, pa por tin mas bibienda, mas HORECA i mas aktividat. Pa por logra esei lo mester trese algun kambio den nos sentro di siudat. Un di nan sigur ta pa regla parker na e manera mas efektivo posibel. E dokumento aki ta kontené algun akshon ku nos ministerio lo ke kuminsá implementá pa por remediá e situashon di parker den Punda i Otrobanda.  Parkeermanagement Punda en Otrobanda